ՇՊՀ-ի ռեկտորն ավիրեց Շիրակի մարզի հանրակրթության ոլորտը. Բախշյան
ՏեսանյութերԻնչպես արդեն տեղեկացրել ենք՝ օրերս Շիրակի պետական համալսարանի ռեկտոր Սահակ Մինասյանն աշխատանքից ազատել էր դասախոսներ Գագիկ Համբարյանին և Հովհաննես Խորիկյանին: Այս փաստը մեծ աղմուկ էր բարձրացրել թե՛ դասախոսական անձնակազմի, թե՛ ուսանողների, թե՛ լայն հասարակության շրջանում:
Այսօր լրագրողների հետ հանդիպմանը Երևանի ավագանու «Ելք» խմբակցության անդամ Անահիտ Բախշյանը մի շարք թերություններ մատնանշեց, որոնք առկա են Շիրակի պետական համալսարանում:
Նա հետաքրքրվեց՝ ո՞վ է Շիրակի պետական համալսարանի կառավարման խորհրդի նախագահը, Գագիկ Համբարյանն էլ նշեց, որ պաշտոնը զբաղեցնում է ԱԺ պատգամավոր, Շիրակի մարզը ներկայացնող Ֆելիքս Ցոլակյանը:
«Ես ձեր կայքը մինչև այստեղ գալը շատ ուշադիր ուսումնասիրել եմ, այնտեղ դրված է 2011 թ. կանոնադրությունը: Ես գալիս էի ասելու, որ ժողովո՛ւրդ, դա վաղուց հիմնադրամ է, բայց էնտեղ ՊՈԱԿ է նշված: Դա նշանակում է, որ սրանք բոլորը ձևական թղթեր են, որոնք ամեն ինչ՝ կառավարություն, ԿԳ նախարարություն՝ մի կողմ են դնում ու կառավարում են կուսակցական շահերին առավելագույն անպատասխանատու ձևով նպաստած մարդիկ, ինչպիսին պարոն Մինասյանն է: Ես նրան վաղուց եմ ճանաչում, նա ավիրեց Շիրակի մարզի հանրակրթության ոլորտը, խեղաթյուրեց շատ-շատ բաներ, կամայական նշանակումներ իրականացրեց ու եկավ այս բուհի ռեկտոր»,- ասաց Բախշյանը:
Համբարյանն էլ նկատեց՝ 60 տարեկան մարդ է՝ 4 հոդվածի հեղինակ և ԲՈւՀ-ի ռեկտոր, որին հետևեց Բախշյանի դիտարկումը.
«Իսկ ԲՈւՀ-ի ռեկտորի չափորոշիչները սահմանված են»:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
