Ապրիլյան պատերազմում մարտական հերթապահություն իրականացրած 944 ուսանող ստացավ ուսման փոխհատուցում

2016 թվականի ապրիլյան պատերազմում մարտական հերթապահություն իրականացրած 944 ուսանող ստացավ ուսման վարձի փոխհատուցում՝ 2017-2018 ուսումնական տարվա երկրորդ կիսամյակի համար։

Փոխհատուցումը կատարում է Հայաստանի երիտասարդական հիմնադրամը՝ ՀՀ կառավարության աջակցությամբ։

«Ուսման փոխհատուցում ստանալու են ապրիլյան պատերազմի ընթացքում Հայաստանում և Արցախում բոլոր տարածքներում մարտական հերթապահություն իրականացրած անձինք»,- լրագրողների հետ զրույցում այս մասին նշեց Հայաստանի երիտասարդական հիմնադրամի հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը։

Տղաներից 194-ը պոլիտեխնիկական համալսարանից են, 173-ը՝ Երևանի պետական համալսարանից, 93-ը՝ Ճարտարապետության և շինարարության պետական համալսարանից,  89-ը՝ Երևանի պետական բժշկական համալսարանից, 43-ը՝ Հայաստանի ազգային ագրարային համալսարանից և այլն։