Նոր օրենքով կամ ՏՄՊՊՀ-ն կազատվի Շաբոյանից, կամ՝ ՀՀԿ-ն

Ազգային ժողովի արտահերթ նիստում այսօր քննարկվում էր Տնտեսական պաշտպանության մասին օրենքում փոփոխություններ կատարելու  հարցը, որով առաջարկվում է, որ ՏՄՊՊՀ-ի ղեկավարն այսուհետ պետք է լինի անկուսակցական, քանի որ, ըստ ՏՄՊՊՀ ղեկավար Արտակ Շաբոյանի, կուսակցական լինելը կաշկանդում է ՏՄՊՊՀ-ի ղեկավարի պաշտոնում աշխատող պաշտոնյային։

 

«Տնտեսական մրցակցության պաշտպանության պետական հանձնաժողովի գործող նախագահը պնդում է, որ կուսակցական լինելը հանձնաժողովի անդամին կկաշկանդի, և նա կսկսի կատարել իր կուսակցության պատվերները»,-որպես օրենքի փոփոխության հիմնավորում նշեց ՏՄՊՊՀ-ի երիտասարդ ղեկավարը: 

 

 

«Պարո՛ն Շաբոյան, ուրեմն Դուք այլևս չպիտի լինեք հանձնաժողովի անդամ՝ Ձեր իսկ ներկայացրած պնդումների հիման վրա»,-ասաց  Մարուքյանը՝ հավելելով, որ Ազգային ժողովում ընտրելու են Սահմանադրական դատարանի անդամ, Մարդու իրավունքների պաշտպան, ԲԴԽ անդամ, և ըստ Շաբոյանի պնդումների, փաստորեն, այս բոլոր մարդիկ կաշականդված են լինելու:

 

Հիշեցնենք նաև, որ Շաբոյանի հնարավոր հեռացման մասին գրել էր մամուլը և նշել, որ դրա պատճառն այն է, որ Շաբոյանի ղեկավարած կառույցն իր վրա է կրում իշխանությունների ուղղակի ազդեցությունը։

Նշենք նաև, որ նույն մամուլի հրապարակումների համաձայն՝ Արտակ Շաբոյանը ՏՄՊՊՀ-ի պաշտոնը ստանձնեուց հետո աչքի զարնող ձևով  է հարստացել, ինչը դուր չի եկել նույն իշխանությանը։ 

 

 

Աղավնի Սուքիասյան