Արոնյանը 6 ժամ խաղից հետո կրեց 5-րդ պարտությունը հավակնորդների մրցաշարում

 Շախմատի Հայաստանի հավաքականի անդամ Լևոն Արոնյանը 5-րդ պարտությունը կրեց հավակնորդների մրցաշարում:

Բեռլինում ընթացող հավակնորդների մրցաշարի 11-րդ տուրում Արոնյանը սպիտակ խաղաքարերով մրցում էր Ռուսաստանի ներկայացուցիչ, աշխարհի փոխչեմպիոն Սերգեյ Կարյակինի հետ:  Հայ գրոսմայստերը պարտություն կրեց:

Միաժամանակ ընթացող մյուս պարտիաներում Սո-Մամեդյարով, Կարուանա-Կրամնիկ, գրոսմայստերները համաձայնեցին կիսել միավորը:

14 տուրի ընթացքում շախմատիստները միմյանց հետ կխաղան երկուական անգամ` սպիտակ և սև խաղաքարերով: Գրոսմայստերները կունենան 4 հանգստյան օր: Հաղթողն իրավունք կստանա մրցամարտ անցկացնել աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում: