Սրբուհի Սարգսյանը հրաշալի ելույթ է ունեցել ուկրաինական «Ձայն»-ում և անցել հաջորդ փուլ (տեսանյութ)

Ուկրաինական «Ձայնը» հեռուստանախագծում սկսվել է «Մենամարտերի» փուլը։ Երեկ՝ մարտի 25-ին, Պոտապի թիմում մրցում էին Սրբուհի Սարգսյանն ու Ալինա Ռուսինովան, ովքեր հրաշալի կատարեցին Իրինա Բիլիկի «Ти Мій» երգը։

Ժյուրիի բոլոր անդամները ծափահարում էին աղջիկներին։ Ջամալան հիացած էր Սրբուհու եւ Ալինայի կատարմամբ՝ նշելով, որ իրեն շատ է դուր եկել Սրբուհին։ Տինա Կարոլն առհասարակ ցնցված էր հայուհու ելույթից, Պոտապը երկուսին էլ գովել է ու նախապատվությունը տվել Սրբուհուն։