Կեմերովոյի «Ձմեռային բալենի»-ում տեղի ունեցած հրդեհի զոհերի թիվն աճել է. սոցցանցերում խոսում են 120 զոհի մասին

РИА Новости-ի հայտնած վերջին տվյալներով՝ Կեմերովոյի «Ձմեռային բալենի» առեւտրաժամանցային կենտրոնում տեղի ունեցած հրդեհի զոհերի թիվը հասել է 56-ի: 44 քաղաքացի դիմել են  քաղաքի հիվանդանոցներ՝ բուժոգնություն ստանալու  համար, նրանցից 10-ը ՝ ստացիոնար պայմաններում: 

ՌԴ քաղաքացիները լուրջ տարակարծություններ ունեն պաշտոնական մարմինների կողմից հաղորդած թվերի կապակցությամբ:

Ռուսական ֆորումներում, ինչպես նաև Вконтаке սոցցանցում Կեմերովոյի բնակիչները տեղեկություն էին տարածում զոհերի ավելի մեծ թվի մասին:

Խոսքը գնում էր ավելի քան 120 զոհի մասին, որոնց դիակները փրկարարները պարզապես դուրս չէին բերում ժամանցի կենտրոնից՝ քաոսը և խուճապը կանխելու համար: