Արսեն Ջուլֆալակյանը շորհակալություն է հայտնել Աղասի Մանուկյանին (տեսանյութ)

Oլիմպիական խաղերի հունահռոմեական ոճի ըմբշամարտի փոխչեմպիոն Արսեն Ջուլֆալակյանը Ֆեյսբուքյան իր էջում գրառում է կատարել և շնորհակալություն հայտնել  ըմբիշ Աղասի Մանուկյանին:

Անվանի ըմբիշն օրեր առաջ մահացել էր երկարատև հիվանդությունից հետո:

«20 տարի առաջ՝ 1998 թվականին, ես  առաջին անգամ գնացի ըմբշամարտի։ Մինչ այդ  ես ըմբշամարտի մարզադահլիճում լինում էի միայն հորս հետ, սակայն դա միայն զվարճանք էր։ Այդ օրը ես ծնողներիս համոզեցի, որ  դաշնամուրի  դասերի փոխարեն  զբաղվեմ ըմբշամարտով (ինչպես երևում է դա լավագույն որոշումն էր)։

Ամեն բան վերահսկվում էր հորս կողմից (որտեղ պետք է մարզվեմ, ով պետք է լինի առաջին մարզիչս, մարզումների ծրագիրը 7 այլն)։ Ես առաջին անգամ ըմբշամարտի դահլիճում էի մորս հետ (հայրս արտերկրում է աշխատանքով)։ Այդ ժամանակ ես չունեի պրոֆեսիոնալ մարզակոշիկներ և մենք գնեցինք մատչելի կոշիկներ։

Հիշում եմ այսօրվա պես։ Երբ պատրաստվում էինք մտնել մարզադահլիճ,  հանդիպեցինք Աղասի Աղասյանին։ Նա ասաց, որ ուրախ է տեսնել`  որոշել եմ շարունակել հորս գործը և հարցրեց՝ ունե՞մ արդյոք ըմբշամարտի մարզակոշիկներ։ Լսելով պատասխանը՝ նա գնաց մարզիչների սենյակ և ինձ համար բերեց բոլորովին նոր Asics-ի նոր մարզակոշիկներ ու գուլպաներ։

«Մաղթում եմ քեզ դառնալ մեծագույն ըմբիշ, սակայն մինչ այդ դու պետք է հաղթես մի շարք փոքր մրցաշարերում։ Մի մոռացիր դա»:

Այդ պահին ես աշխարհի ամենաերջանիկ երեխան էի, և խոստացա անել դա։ Դա մեծ մոտիվացիա էր ինձ համար։ Այդպես ես սկսեցի իմ երկար ուղին ըմբշամարտում։ Անչափ շնորհակալություն Աղասի Աղասյանին այն ամենի համար, ինչ նա արել է ըմբշամարտի համար։

Հանգչիր խաղաղությամբ»,- Ջուլֆալակյանը գրել է ֆեյսբուքյան իր էջում: