Կարուանան՝ հավակնորդների մրցաշարի հաղթող

Շախմատի հավակնորդների մրցաշարի հաղթող դարձավ ԱՄՆ ներկայացուցիչ Ֆաբիանու Կարուանան:

Մրցաշարի վերջին տուրում  Ֆաբիանո Կարուանան սև խաղաքարերով մրցում էր Ալեքսադր Գրիշչուկի հետ: Կարուանային հաջողվեց պարտիան հասցնել հաղթական ավարտի:

ԱՄՆ ներկայացուցիչը հավակնորդների մրցաշարի ընթացքում տոնեց 5 հաղթանակ, մեկ պարտիա տանուլ տվեց, իսկ 8 խաղում կիսեց միավորը: Նա 14 հնարավորից հավաքեց 9 միավոր և հաղթանակ տոնեց:

Կարուանան իրավունք ստացավ մրցամարտ անցկացնելու աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում: