Ռոնալդուն չի մասնակցի «Ռեալ»-ի առաջիկա խաղին

Մադրիդի «Ռեալ»-ի ֆուտբոլիստ Կրիշտիանու Ռոնալդուն չի մասնակցի Իսպանիայի առաջնության 30-րդ տուրում «Լաս Պալմաս»-ի դեմ հանդիպմանը: Այս մասին տեղեկացնում է Marca-ն:

Մադրիդյան թիմի մարզչական շտաբը որոշել է ֆուտբոլիստին հանգստի հնարավորություն տալ, քանի որ հաջորդ շաբաթ Չեմպիոնների լիգայի քառորդ եզրափակչի շրջանակներում մադրիդցիներն ուժերը չափելու են Թուրինի «Յուվենտուս»-ի դեմ:

Իսպանիայի առաջնության 30-րդ տուրի «Լաս Պալմաս»-«Ռեալ» հանդիպումը կայանալու է մարտի 31-ին, մեկնարկը՝ 20:30-ին:

Նշենք, որ 33-ամյա պորտուգալացին մասնակցել է Պրիմերայի 23 խաղի, որոնցում խփել է 22 գոլ: