Սերժ Սարգսյանը կրկին մեդալներ է տվել. այս անգամ ոստիկաններին

Ոստիկանության օրվա առթիվ, իրավակարգի ամրապնդման և հասարակական կարգի պահպանության գործում ներդրած ավանդի համար Նախագահ Սերժ Սարգսյանը ոստիկանության մի շարք բարձրաստիճան սպաների պարգևատրել է «Հասարակական կարգի գերազանց պահպանման համար» մեդալով:

Պարգևատրվածների թվում են.

Հայաստանի Հանրապետության կառավարությանն առընթեր Հայաստանի Հանրապետության ոստիկանության Կոտայքի մարզային վարչության պետ, ոստիկանության գնդապետ Ռոման Ռաֆայելի ԿԻՐԱԿՈՍՅԱՆԸ:

Հայաստանի Հանրապետության ոստիկանության կազմակերպված հանցավորության դեմ պայքարի գլխավոր վարչության 2-րդ վարչության պետ, ոստիկանության գնդապետ Կորյուն Ռաֆիկի ՀԱՐԹԵՆՅԱՆԸ:

Հայաստանի Հանրապետության ոստիկանության Երևան քաղաքի վարչության քրեական հետախուզության բաժնի պետի տեղակալ, ոստիկանության փոխգնդապետ Կարեն Նորայրի ԲՈՒՆԻԱԹՅԱՆԸ:

Հայաստանի Հանրապետության ոստիկանության Երևան քաղաքի վարչության ուղեկցող գումարտակի 1-ին վաշտի հրամանատար, ոստիկանության մայոր Գնել Պատվականի ՂԻՄՈՅԱՆԸ:

Հայաստանի Հանրապետության ոստիկանության Երևան քաղաքի վարչության ՊՊԾ ոստիկանության գնդի հրամանատարի տեղակալ, ոստիկանության գնդապետ Անդրանիկ Արտավազդի ԱՌԱՔԵԼՅԱՆԸ:

Հայաստանի Հանրապետության ոստիկանության զորքերի հատուկ նշանակության գումարտակի (թիվ N զորամաս) հրամանատար, գնդապետ Բագրատ Յուրայի ՊՈՂՈՍՅԱՆԸ: