Դատախազությունը կքննարկի Օգսեն և Գուրգեն Նազարեթյանների խափանման միջոցը փոխելու առաջարկությունը

Վերաքննիչ դատարանը  հունիսի 29-ին կալանավորման որոշում է կայացրել հունիսի 27-ին Կարբի գյուղում տեղի ունեցած դեպքի առթիվ` գյուղի բնակիչ , խուլիգանության մեջ մեղադրվող Օգսեն Նազարեթյանի նկատմամբ:

Նույն  մեղադրանքն է առադրվել նաև նրա եղբորը Գուրգեն Նազարեթյանին:

Այդ ընթացքում դատարանի դիմաց Կարբիի  մի շարք բնակիչներ բողոքի ակցիա են կազմակերպել՝  պահանջելով դատարանից փոխել խափանման միջոց կալանավորումը:

Դատարանի որոշումից հետո բողոքի ակցիա մասնակցիները շարժվեցին դեպի Գլխավոր դատախազություն:

Ինչպես «Արմենպրես»-ին տեղեկացրին ՀՀ գլխավոր դատախազության հանրային կապերի բաժնից,  Նազարեթյանների հորը ընդունել է ՀՀ գլխավոր դատախազի խորհրդական Արթուր Բաղդասարյանը և գործը հսկող դատախազը:

Նրանք հավաստիացրել են, որ որևէ մեկին անհիմն կալանավորելու որևէ խնդիր չկա: Առաջարկվել է ներկայացնել միջնորդություն դատախազին՝ խափանման միջոցը փոխելու, որը դատախազությունը կքննարկի:

Մայիսի 27-ին միջադեպ էր տեղի ունեցել Գուրգեն և Օգսեն Նազարեթյան եղբայրների մասնակցությամբ: Նրանք քննվել են Արագածոտնի մարզային վարչության կողմից, սակայն խափանման միջոցը չի ընտրվել կալանավորումը: Դրանից հետո դատախազը բողոքարկել է, որից հետո հունիսի 27-ին Գուգեն Նազարեթյանի խափանման միջոցը փոխվել է՝ ընտրվել է կալանավորումը որպես խափանման միջոց:

Հունիսի 28-ին, փոխվել է նաև մյուս եղբոր՝ Օգսեն Նազարեթյանի խափանման միջոցը: Այժմ երկուսն էլ կալանավորված են: