Սերժի Վաչոն միկրոավտոբուսի վարորդ է եղել` կոպեկներով տուն պահող

Հանրահայտ «Ղարաբաղցին» երգի բառերի հեղինակը Սերժ Սարգսյանի թիկնազորի նախկին պետ Վաչագան Ղազարյանի, նույն ինքը` Սերժի Վաչոյի, աներն է` Հրաչյա Բեգլարյան։

Վաչագան Ղազարյանը Ղարաբաղցի է, ասում են` Արցախում միկրոավտոբուսի վարորդ է եղել` կոպեկներով տուն պահող։ Այնուհետև դարձել է Սերժ Սարգսյանի վարորդը, ապա` թիկնազորի պետը։

Ահա, երգի բառերը.

​

ՂԱՐԱԲԱՂՑԻՆ

Խոսք՝ Հրաչյա Բեգլարյանի

Երաժշտություն՝ Ալեքսեյ Հեքիմյանի

​

Պատվել գիտի միշտ իր հյուրին,

Գիտի գինը աղ ու հացի,

Միշտ հյուրասեր ու միշտ բարի,

Միշտ սրտաբաց ղարաբաղցին:

​

Ուր էլ լինես իմ բարեկամ,

Դու նրա հետ ընկերացիր,

Լավ ընկերոջ համար անգամ

Կյանքը կտա ղարաբաղցին:

​

Կռվում լինի աշխատանքում,

Խիզախում է ինչպես արծիվ,

Վաստակն արդար,խիղճը մաքուր,

Արդարադատ ղարաբաղցին:

​

Մշակ է նա ու շինարար,

Բայց հասարակ մարդ մի կարծիր,

Գիտնական է ու զորավար,

Բազմավաստակ ղարաբաղցին:

​

Խաղաղ է նա համբերատար,

Բայց թե հոգով դու դառնացրիր,

Ամպի նման կորոտա նա,

Շանթ ու կրակ ղարաբաղցին:

Նշենք, որ Վաչագան Ղազարյանը կալանավորված է։ Նրան մեղադրանք է առաջադրվել ՀՀ քրեական օրենսգրքի 314.3-րդ հոդվածի 2-րդ մասով և 310.1-ին հոդվածի 1-ին մասով նախատեսված հանրորեն վտանգավոր արարքների կատարման համար:

Աղբյուրը՝ ՀՐԱՊԱՐԱԿ