Ես այդ հարցի վերաբերյալ չեմ կարող կարծիք հայտնել. Վարչապետ Նիկոլ Փաշինյանը՝ գլխավոր դատախազի հնարավոր պաշտոնանկության մասին
Հայաստան
Ես այդ հարցի վերաբերյալ չեմ կարող որեւէ կարծիք հայտնել, որովհետեւ չեմ կարծում՝ նման իրավասություն ունեմ: Այս մասին այսօր՝ հուլիսի 1-ին լրագրողների հետ զրույցում ասաց վարչապետ Նիկոլ Փաշինյանը՝ պատասխանելով ՀՀ գլխավոր դատախազ Արթուր Դավթյանի հրաժարականի հնարավորության մասին հարցին:
«Ես այդ հարցի վերաբերյալ չեմ կարող որեւէ կարծիք հայտնել, որովհետեւ չեմ կարծում՝ նման իրավասություն ունեմ: Քաղաքական գնահատական տալու անհրաժեշտություն այս պահին չեմ տեսնում, որովհետեւ կարծում եմ՝ դատախազական համակարգը պետք է լիարժեք իր գործառույթը իրականացնելու հնարավորություն ունենա: Եթե ձեր ասած սկզբունքով առաջնորդվենք, դատախազության յուրաքանչյուր աշխատողի, պետական կառույցի յուրաքանչյուր աշխատողի մասին կարելի է ասել: Մենք վենդետայի տրամաբանությամբ չենք առաջնորդվելու: Մեր խնդիրն է՝ ապահովել հանրային համերաշխությունը, եւ ես հույս ունեմ, որ դատախազությունը կգնա այդ ճանապարհով: Ես քայլեր եմ տեսնում այդ ուղղությամբ եւ հույս ունեմ՝ այդ քայլերը համոզիչ կլինեն թե՛ իրավունքի, թե՛ օրենքի, թե՛ հանրային կարծիքի տեսակետից»,- ասաց նա:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
