Նախիջևանում ՀՀ զինված ուժերի առաջ տված դիրքը (լուսանկարներ). Razm.info

Համաձայն ոչ պաշտոնական տվյալների Նախիջևանում նաև հայկական կողմն է դիրքեր առաջ տվել դեռևս ս․թ․ ապրիլից սկսած։ Հունիսի 10–ին Ռազմինֆոյի լրագրողները եղել էին այդ դիրքերից մեկում։ Արբանյակային լուսանկարը նույնպես ցույց են տալիս  հայկական զինուժի առաջխաղացումը։

Նոր դիրքը Պարույր Սևակ գյուղից շուրջ 3,6 կմ հարավ–արևելքում է:

Հայական առաջխաղացումը Նախիջևանում՝ 2018-ի ապրիլ-մայիս ամիսներին:

Ըստ արբանյակային լուսանկարների՝ հայկական կողմի ինժեներական աշխատանքները այս հատվածում սկսում են ապրիլի սկզբից, իսկ ապրիլի 17-ին երևում է որոշակի առաջխաղացում: Նոր դիրքը ստեղծվում է ապրիլի 17-ից մայիսի 7-ը ընկած հատվածում:

Հայկական նոր դիրքից երևում է թշնամու դիրքը

Ուղիղ գծով ՀՀ զինուժը առաջ է շարժվել մոտ 750 մ:

Հետագայում այս հատվածում ևս շարունակվում են ինժեներական աշխատանքներ՝ կառուցվում է նոր ճանապարհ:

Դիրք տանող նորակառույց ճանապարհը․ 2018 թ․ հունիսի 10-ի դրությամբ աշխատանքները շարունակվում են

ՀՀ ԶՈւ նոր դիրքը

Այցը կազմակերպել էր ՀՀ պաշտպանության նախարարությունը։