Ի՞նչ ճակատագիր է սպասվում Վիգեն Սարգսյանին. իրավիճակը պայթյունավտանգ է

 

Վերջին օրերին ՊՆ-ում այս կամ այն ոլորտին առնչվող չարաշահումների բացահայտումները սովորական երևույթ են դարձել: Ինչպես երևում է՝ Վիգեն Սարգսյանը զգում է, որ բացահայտումների շղթան այս կամ այն կերպ հասնելու է նաև իրեն: Դա զգում են նաև Վիգեն Սարգսյանի հարազատ կուսակցությունում, որտեղ Կարեն Կարապետյանի՝ առաջին փոխնագահի պաշտոնից հեռանալուց հետո աթոռը դեռ թափուր է: ՀՀԿ-ական կուսակցության մի թևն այստեղ ցանկանում է տեսնել հենց Վիգեն Սարգսյանին: Գուցե այլ իրավիճակում Սերժ Սարգսյանն էլ չընդդիմանար սեփական կադրին նման պաշտոն վստահելու հարցում, սակայն այսօր իրավիճակն այլ է, եթե չասենք՝ պայթյունավտանգ: ՊՆ-ում սկսած բացահայտումները, միևնույնն է, հասնելու են Վիգեն Սարգսյանին, և Սերժ Սարգսյանը դա գիտակցում է: Դրա մասին է վկայում նաև այն, թե ինչ ճակատագրի են վերջին օրերին արժանանում Պաշտպանության նախկին նախարարները՝ մեկը կանչվում է հարցաքննության, մյուսի նկատմամբ կալանավորման որոշում է կայացվում: