Թերքաշայինները, գերքաշայիններն ու գիշերամիզություն ունեցողները նույնպես կծառայեն. ծառայության նոր ձևաչափ է ավելացել

Այսօր լրագրողների հետ հանդիպման ժամանակ ԶՈւ ԳՇ Կազմզորահավաքային վարչության պետ, գեներալ-մայոր Կամո Քոչունցը պատմեց, որ  կառավարության թիվ 404 որոշման համաձայն զինծառայության նոր տարբերակ կա՝ ծառայություն հեշտացված օրվա կարգացուցակով (ԾՀՕԿ)։  Այսինքն՝ առողջական որոշ խնդիրներ ունեցող տղաները ևս կարող են ծառայել։

Այս խմբի մեջ կմտնեն թերքաշայինները, որոնց քաշը նորմայից 2կգ պակաս կլինի, գերքաշայինները, որոնց քաշը նորմայից 4կգ ավել է,գիշերամիզություն ունեցողները և հեմոգլոբինի որոշակիորեն ցածր կամ բարձր մակարդակ ունեցողները:

Երբ  ԼՈւՐԵՐ․com-ի թղթակիցը հետաքրքվեց Կամո Քոչունցից, թե գիշերամիզություն ունեցողների խնդիրն այդ դեպքում ինչպես պետք է կարգավորվի, նա պատասխանեց, որ նրանք ծառայելու են հիմնականում հոսպիտալներում, ունենալու են  հատուկ ներքնակներ։

Լիլիթ Հակոբյան