«Լեկիմա» թայֆունն առնվազն 44 մարդու կայնք Է խլել Չինաստանի արևելքում

Չինաստանի արևելքում մոլեգնած այս տարեշրջանում իններորդ թայֆունի՝ «Լեկիմայի» հարվածից զոհերի ընդհանուր թիվը հասել Է 44-ի, ևս 16 բնակիչներ առայժ համարվում են անհայտ կորած: Չժեցզյան արևելյան նահանգում, որին բաժին հասավ տարերքի հիմնական հարվածը, զոհվել Է 39 մարդ, ևս ինը մարդ անհայտ կորած Է համարվում: Այդ մասին ասված Է Հեղեղումների, թայֆունների և երաշտների դեմ պայքարի տեղական շտաբի՝ օգոստոսի 12-ին հրապարակված հայտարարության մեջ:

Չժեցզյանին հասցված ուղղակի տնտեսական վնասը գնահատվում Է 24,2 մլրդ յուան (3,4 մլրդ դոլար): Թայֆունն այս կամ այն չափով խախտել Էր նահանգի ավելի քան 6,6 մլն մարդու բնականոն կյանքը, 1,2 միլիոնից ավելի բնակիչներ տարհանվել Էին վտանգավոր շրջաններից: Մինչև արևադարձային փոթորիկ թուլացած ցիկլոնը օգոստոսի 11-ի երեկոյան հասել Է Շանդուն արևելյան նահանգի ծովափ՝ Ժիզժաո և Ցինդաո քաղաքների միջև ընկած շրջանում: Այն իր հետ բերել Է հորդառատ անձրևներ եւ քամու՝ վայրկյանում մինչև 23 մետր պոռթկումներ: Արևադարձային փոթորիկը, պաշտոնական տվյալների համաձայն, հինգ մարդու կյանք Է խլել չինական նահանգում, յոթ հոգի անհայտ կորած Է համարվում: Այն այս կամ այն չափով խախտել Է նահանգի ավելի քան 1,6 մլն բնակչի կյանքը և ավելի քան 1,4 մլրդ յուանի (մոտավորապես 200 մլն դոլար) վնաս հասցրել Շանդունի նահանգին:

Թայֆունը Յանցզի գետի դելտայում ավելի քան մեկ օր խախտվել Էր երկաթուղային հաղորդակցությունը, ամբողջ տարածաշրջանում չեղարկվել կամ հետաձգվել Էր մի քանի հազար ավիաչվերթ: Շանհայը նույնպես իր վրա զգացել Է արևադարձային ցիկլոնի հետևանքները: Սաստիկ քամու և տեղատարափների պատճառով ափամերձ շրջաններից ժամանակավորապես տարհանվել Է ավելի քան 250 հազար մարդ, ավելի քան մեկ օր լրջորեն խախտվել Է ցամաքային ու օդային տրանսպորի աշխատանքը, հաղորդել Է ՏԱՍՍ-ը: