Իտալիայի վարչապետ Ջուզեպե Կոնտեն հրաժարական է ներկայացրել

Իտալիայի վարչապետ Ջուզեպե Կոնտեն հրաժարական է ներկայացրել: Այս մասին կառավարության ղեկավարը հայտարարել է այսօր, խորհրդարանի վերին պալատում ելույթի ժամանակ:

Իտալիայում տեղի ունեցող զարգացումների համար վարչապետը մեղադրել է փոխվարչապետ Մատտեո Սալվինային.

«Նա միայն սեփական շահերի և իր կուսակցության շահերի մասին է մտածում: Նրա որոշումները լուրջ վտանգ են ներկայացնում երկրի համար»:

Վարչապետի հրաժարականի դիմումը ստանալուց հետո, երկրի նախագահը պետք է որոշում կայացնի՝ կամ անցկացնում է նոր ընտրություններ, կամ փորձում ձևավորել նոր իշխող կոալիցիա, որը կձևավորի կառավարություն:

Թե երբ որոշումը կմտնի ուժի մեջ, դեռ հայտնի չէ: