Իսպանիայում 88֊ամյա զույգը ապաքինվել է կորոնավիրուսից․ Pais

Տարեց ամուսինները, ովքեր միասին ապրել են 65 տարի, դուրս են գրվել մադրիդյան կլինիկաներից մեկից այն ​​բանից հետո, երբ երկուսն էլ կարողացել են ապաքինվել COVID-19-ից, գրում է Pais-ը:

Խոսե Պրիետո Սերրուդոն և Գվադալուպ Մատաս Էրնանդեսը ամուսնացել են 1955 թվականին, նրանք ունեն յոթ դուստր:

Ժոզեն մարտի 4-ին իրեն վատ էր զգացել։ Նա սուր հազ ուներ, և երբ գնացել է բժշկի, նրան հակաբիոտիկներ են նշանակել և ուղարկել տուն:

Մարտի 8-ին ամբողջ ընտանիքը նշում էր նրանց հարսանիքի 65-ամյակը: Հաջորդ օրը Ժոզեն բարձր ջերմություն ու ուժեղ գլխացավ ուներ: Նա գնում է մադրիդյան հիվանդանոց, և կորոնավիրուսի թեստը դրական արդյունք է ցույց տալիս:

Մի քանի օր անց կինը համանման ախտանիշներով նույնպես հոսպիտալացվում է: Չնայած այն բանին, որ, ըստ կանոնների, հիվանդները պետք է լինեն առանձին հիվանդասենյակներում, զույգին թույլատրվում է միասին լինել:
Նույնիսկ երբ Գվադալուպը ապաքինվում է և կարող էր դուրս գրվել, նա հրաժարվում է՝ հայտարարելով, որ չի հեռանա առանց իր ամուսնու:

Մարտի 30-ին նրանք վերջապես կարողացան լքել հիվանդանոցը և վերադառնալ տուն։