Ռուսաստանում յուրաքանչյուր մինչև 3 տարեկան երեխայի համար կտրամադրվի 5000 ռուբլի նպաստ․ ՏԱՍՍ

Ռուսաստանի նախագահ Վլադիմիր Պուտինը հրամանագիր է ստորագրել երեխաների ընտանիքներին սոցիալական աջակցության լրացուցիչ միջոցառումների մասին: Այս մասին հայտնում են պետության ղեկավարի մամուլի ծառայությունից:

Համաձայն փաստաթղթի, որի տեքստը հրապարակված է Կրեմլի կայքում, Պուտինը որոշում է կայացրել 2020 թվականի ապրիլ-հունիս ամիսների ընթացքում Ռուսաստանի Դաշնությունում ապրող և փաստացի բնակության իրավունք ունեցող մարդկանց պետական ​​աջակցություն ցուցաբերել ամսական 5 հազար ռուբլու չափով։

Հրամանագրում նշվում է, որ ամսական վճարումներ են կատարվում երեք տարին չլրացած յուրաքանչյուր երեխայի համար, որն ունի Ռուսաստանի Դաշնության քաղաքացիություն: Վճարների չափը ներառված չէ ընտանիքի այլ  եկամուտների մեջ։ Այս գումարը ստանալու իրավունք ունեցող քաղաքացիները կարող են դիմել մինչև 2020 թվականի հոկտեմբերի 1-ը:

Մարտի 25-ին ՌԴ նախագահ Վլադիմիր Պուտինը ռուսներին ուղղված կոչում առաջարկել է մի շարք տնտեսական և սոցիալական միջոցներ, որոնք նախատեսված են մեղմելու քաղաքացիների և բիզնեսի համար կորոնավիրուսային պանդեմիայի հետևանքները: