Թուրքիայում սկսել են կարանտինի ընթացքում մարդկանց տեղաշարժը վերահսկել սմարթֆոնների միջոցով․ Ռիա Նովոստի
Աշխարհ
Թուրքական իշխանությունները սկսել են բջջային օպերատորների միջոցով վերահսկել՝ կորոնավիրուսով վարակված մարդիկ տնային մեկուսացման ռեժիմին ենթարկվո՞ւմ են, թե՞ ոչ, Ռիա Նովոստիին այսօր հաղորդել է Թուրքիայի նախագահի աշխատակազմը։
«Մեկուսացումը շատ կարևոր է` կանխելու COVID-19-ի տարածումը: Թուրքիայի առողջապահության նախարարությունը, հեռախոսային ծառայություններ մատուցողների մասնակցությամբ, վարակի մոնիտորինգի և վիրուսի տարածումը կանխելու համար համաճարակի ընթացքում մշակել է մեկուսացման մոնիտորինգի ծրագիր: Անհրաժեշտ կարգավորումները իրականացվում են օրենքի շրջանակներում», - ասվում է փաստաթղթում:
Նշվում է, որ ծրագիրը վերահսկում է կորոնավիրուսով վարակված հեռախոսի սեփականատիրոջ շարժումը: Եթե նա դուրս գա, նա հեռախոսով կստանա նախազգուշացում, ինչպես նաև հեռախոսազանգ, որում նրան կհիշեցնեն մեկուսացման պահպանման անհրաժեշտության մասին: Եթե հիվանդը չհետևի նախազգուշացումներին և շարունակի խախտել մեկուսացման ռեժիմը, այդ մասին տեղեկատվությունը կփոխանցվի անվտանգության մարմիններին, իսկ խախտողի նկատմամբ կկիրառվեն անհրաժեշտ միջոցառումներ:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
