Թրամփը դադարեցրել է Առողջապահության համաշխարհային կազմակերպության ֆինանսավորումը․ Reuters

ԱՄՆ նախագահ Դոնալդ Թրամփը կարգադրել է կասեցնել Առողջապահության համաշխարհային կազմակերպության (ԱՀԿ) ֆինանսավորումը՝ պատճառաբանելով, որ այն չի կարողացել հաղթահարել կորոնավիրուսային համաճարակը: «Իրականությունն այն է, որ ԱՀԿ-ն բավարար չափով չի ստացել, ստուգել կամ տարածել կորոնավիրուսի մասին տեղեկատվությունը ճիշտ ժամանակին և թափանցիկ ձևով», - ասել է Թրամփը Սպիտակ տանը իր ամենօրյա ասուլիսում: «Աշխարհն ակնկալում է, որ ԱՀԿ-ն կաշխատի երկրների հետ Առողջապահության միջազգային սպառնալիքների վերաբերյալ ճշգրիտ տեղեկատվություն տարածվելով և ճիշտ ժամանակին, հակառակ դեպքում ինքը պետք է ինքնուրույն տեղեկացներ աշխարհին կատարվածի մասին: ԱՀԿ-ն չի կատարել այս հիմնական պարտականությունը և պետք է պատասխանատվության ենթարկվի: Այսքան տասնամյակներ անց նա պետք է կրի իր պատիժը»: Նախագահի խոսքով կազմակերպությունը ապատեղեկատվություն է տարածել «չինական վիրուսի» վերաբերյալ, ինչը հանգեցրել է համաճարակի: Թրամփը հանձնարարել է դադարեցնել ֆինանսավորումը, քանի դեռ հստակեցված չէ կազմակերպության դերը այն իրադարձություններում, որոնք հանգեցրել են վիրուսի տարածմանը ​​մոլորակի վրա։ ՄԱԿ-ի գլխավոր քարտուղար Անտոնիո Գուտերեշը հայտարարել է, որ այժմ «ժամանակը չէ նվազեցնելու ռեսուրսները Առողջապահության համաշխարհային կազմակերպության կամ որևէ այլ մարդասիրական կազմակերպության գործունեության համար»: «Այժմ ժամանակն է միասնության և միջազգային հանրության համախմբման այդ վիրուսը զսպելու և համաճարակի աղետալի հետևանքները կանխելու համար», - ՄԱԿ-ի գլխավոր քարտուղարին մեջբերում է Reuters- ը: