Ավելի քան 4000 զինվորական բժիշկ լքել է Չինաստանի՝ կորոնավիրուսի բռնկման էպիկենտրոն Հուբեյ նահանգը․ Ռիա Նովոստի

Չինաստանի Ժողովրդական ազատագրման բանակի ավելի քան չորս հազար բժշկական մասնագետներ վերադարձել են Հուբեյի նահանգից իրենց ստորաբաժանումների գտնվելու վայր, որտեղից ուղարկվել էին կորոնավիրուսային համաճարակի դեմ պայքարի համար, ասվում է ՉԺՀ-ի Պաշտպանության նախարարության հաղորդագրության մեջ:
«ՉԺՀ նախագահ Սի Ցզինպինի հաստատմամբ՝ Հուբեյի նահանգին օգնելու համար ուղարկված ռազմական բժշկական խմբերը, COVID-19- ի բուժման խնդիրը հաջողությամբ կատարելուց հետո, լքել են Վուհանը չարտերային ինքնաթիռներով և գնացքներով», - ասվում է գործակալության հաղորդագրության մեջ:
Հունվարի վերջին, Հուբեյում և հատկապես Վուհան քաղաքում բժշկական անձնակազմի սուր պակասության պատճառով Չինաստանի նախագահ Սի Ցզինպինի հրամանով ռազմական բժիշկներ են ուղարկվել տեղական մասնագետներին օգնելու համար: Հոսենշանի մասնագիտացված հիվանդանոցում աշխատել է ավելի քան 1,4 հազար զինվորական բժիշկ, որը ռեկորդային ժամանակահատվածում է կառուցվել, մնացածը՝ Վուհան Թայանգանգ Տոնգիի հիվանդանոցում և Հուբեյի նահանգի Մոր և մանկան առողջության պահպանման հիվանդանոցում: Ընդհանուր առմամբ, այդ հիվանդանոցներում տեղադրվել է գրեթե 3 հազար մահճակալ, ռազմական բժիշկները օգնություն են ցուցաբերել գրեթե 7.2 հազար հիվանդի: Ներքին զորքերի ռազմաբժշկական ինստիտուտները, օդուժը, ռազմածովային ուժերը, հրթիռային ուժերը, համատեղ թիկունքում գտնվող աջակցության ուժերը, ոստիանության զինված ուժերը իրենց մասնագետներին նույնպես ուղարկել են Հուբեյ։ Ապրիլի 16-ի դրությամբ բոլոր ռազմական բժիշկները հեռացել են Վուհանից, և որևէ տեղեկություն չի ստացվել առաջադրանքների կատարման ընթացքում նրանցից որևէ մեկի կորոնավիրուսով վարակման դեպքի մասին։