Ֆրանսիան և Գերմանիան բարձր են գնահատել Կիևի և Դոնբասի միջև բանտարկյալների փոխանակումը․ Ռիա Նովոստի

Կիևի և Դոնբասի միջև բանտարկյալների փոխանակումը կարևոր քայլ է Մինսկի համաձայնագրերի կատարման մեջ, ասվում է Ֆրանսիայի արտգործնախարարության և Գերմանիայի Դաշնային Հանրապետության համատեղ հաղորդագրության մեջ:
«Այսօրվա բանտարկյալների փոխանակումը կարևոր քայլ է Մինսկի համաձայնագրերի և Փարիզի 2019-ի դեկտեմբերի 9-ի գագաթնաժողովի իրականացման գործում: Ֆրանսիան և Գերմանիան ողջունում են դեսպան Հեյդի Գրուիի կողմից ղեկավարվող եռակողմ շփման խմբի կողմից գործադրվող ջանքերը այդ փոխանակումը հնարավոր դարձնելու համար»,֊ասվում է փաստաթղթում: Այն նշում է, որ «Ֆրանսիան և Գերմանիան վերահաստատում են իրենց հանձնառությունը ամբողջությամբ իրականացնելու դեկտեմբերի 9-ի գագաթնաժողովի պայմանավորվածությունները, մասնավորապես կրակի դադարեցման պահպանումը, ականազերծումը և նոր անցակետերի բացումը։ 
«Ուկրաինայում ԵԱՀԿ հատուկ դիտորդական առաքելությունը պետք է ունենա անվտանգ և անխափան մուտք Ուկրաինայի ամբողջ տարածք, այդ թվում` իշխանությունների վերահսկողությունից դուրս գտնվող տարածքներում», - ընդգծում են նախարարությունները:
Ինքնահռչակ Լուգանսկի ժողովրդական հանրապետությունը և Կիևն ավարտեցին բանտարկյալների առաջին փոխանակումը այս տարի Դոնբասում, այն անցավ 11-4 բանաձևով: Այս տարի տեղի ունեցավ նաև Կիևի և ինքնահռչակ ԴՆՌ-ի միջև բանտարկյալների առաջին փոխանակումը: Կիևը տասը բանտարկյալի տեղափոխեց Դոնեցկ, իսկ Դոնեցկը ինը հոգու հանձնեց կիևյան կողմին:
Բանտարկյալների նախորդ փոխանակումը, որն առաջինն էր երկու տարում, տեղի է ունեցել Դոնբասում 2019-ի դեկտեմբերի 29-ին: Կիևը 124 մարդ է տեղափոխել ինքնահռչակ Դոնեցկի և Լուգանսկի ժողովրդական հանրապետություններ, Դոնեցկը և Լուգանսկը 76 հոգի են տվել ուկրաինական իշխանություններին: Դրանից հետո սկսվել է աշխատանքը բանտարկյալների փոխանակման համար նոր ցուցակների ձևավորման ուղղությամբ: