Կանայք, տղամարդիկ և կատուներ. «Queen» ռոք խմբի վոկալիստ Ֆրեդի Մերկուրիի կյանքի գլխավոր ուղեկիցները

Աշխարհ 17 Ապրիլ, 2020 18:00

«Ամաչելու ոչինչ չկա», - ասաց «Queen» ռոք խմբի վոկալիստ Ֆրեդի Մերկուրին 1991 թ. նոյեմբերի 23-ին, երբ նա որոշեց պաշտոնապես հաստատել այն լուրերը, որ ինքը ՁԻԱՀ ունի: Հաջորդ օրը նա այլևս չկար:
Մերկուրին վախենում էր ծերությունից: Երբ իր հիվանդության մասին իմանալուց շատ տարիներ առաջ նրան հարցրեցին՝ ինչպիսին է իրեն տեսնում 20 տարի հետո: «Խենթացե՞լ եք, ես մեռած կլինեմ»: - պատասխանեց Ֆրեդին:
Երբ նրա արտաքին փոփոխություններն ակնհայտորեն մատնում էին նրա հիվանդությունը, լրագրողները այլևս չէին ամաչում նրան համարձակ հարցեր ուղղել․ «Ասում են՝ Դուք տղամարդկանց հետ եք քնում»: Մերկուրին սեղմեց ատամները․ «Ես քնում եմ տղամարդկանց հետ, ես քնում եմ կանանց և կատուների հետ»:
Ֆրեդին իր կյանքի ընթացքում ունեցել է տասնյակ կատուներ։ Ջերրի անունով իր կատվին նա նվիրեց «Mr. Bad Guy» ալբոմը, Դիլայլա կատվի մասին նա երգ ուներ Innuendo (Delilah) ալբոմում: Նա բոլոր ճանապարհորդություններից նրանց համար բերում էր լավագույն խաղալիքները։ Գերմանիայից նա մեկ տոննա էլիտար սնունդ ներկրեց նրանց համար: Ըստ լուրերի՝ կատուները նույնիսկ նշվել են Մերկուրիի կտակի մեջ, բայց դա այդպես չէ: Նրա հիմնական ժառանգորդը Մերի Օսթինն էր՝ նրա կինը, ում հետ կապված էր յոթ տարվա քաղաքացիական ամուսնությամբ կինը, այնուհետև՝ նրա ընկերուհին և քարտուղարը: Նա չէր մոռացել իր մտերիմներին։ Մերկուրիի քույրը՝ Քաշմիրը, դեռ ողջ է: Մերկուրիի կուռքը Էլվիս Փրեսլին էր: 1981 թ.-ին «Queen»- ը ամերիկյան շրջագայության համար վարձակալեց ռոքնռոլի արքայի մասնավոր ինքնաթիռներից մեկը՝ հսկայական մահճակալով: Ֆրեդին ուրախությամբ երեխայի նման թռչկոտում էր դրա վրա: Ինքնաթիռը կոչվում էր «Լիզա-Մարի»՝ Փրեսլիի միակ դստեր անունով: Լիզա֊Մարին ժամանակին Ֆրեդիին շարֆ էր նվիրել, և վերջինիս համար այդ շարֆը ամենաարժեքավոր իրն էր իր բազմամիլիոնանոց կարողության մեջ։ Ֆրեդի Մերկուրին «Queen»-ի համար հորինեց ոչ միայն անուն, այլև զինանշան, որի վրա նա գաղտնագրեց խմբի յուրաքանչյուր անդամի նշանը: Կենտրոնում ծովախեցգետին էր՝ կիթառահար Բրայան Մեյը (Կենդանակերպի նշանը՝ խեցգետին): Բասիստ Ջոն Դեակոնը և թմբկահար Ռոջեր Թեյլորը երկու առյուծներն էին (երկուսն էլ Կենդանակերպի նշանով՝ առյուծ): Ֆրեդին իրեն պատկերել էր կենդանակերպի «Կույս» նշանով՝ երկու թևավոր նիմֆերի տեսքով, որով նա ցույց էր տվել իր բնության երկակիությունը: Վերին մասում հսկայական փյունիկը վերափոխման խորհրդանիշն էր և նոր կյանքի սկիզբը: Ֆրեդի Մերկուրիի դավանանքը, ըստ ընդունված կարծիքի, զրադաշտականությունն էր: