Ryanair-ը պատրաստ է կարանտինից հետո իջեցնել տոմսերի գինը մինչև 0,99 եվրո․ Reuters

Իռլանդական «Ryanair» ավիաընկերությունը պատրաստվում է գնային պատերազմի այլ փոխադրողների հետ, հենց որ չեղյալ հայտարարվեն թռիչքների սահմանափակումները: Առաջիկա ճակատամարտում Ryanair-ը հաղթանակ է ակնկալում: Այս մասին Reuters-ին տված հարցազրույցում ասել է Ryanair Group-ի ղեկավար Մայքլ Օ'Լին:
Նա համոզված է, որ շուկան արագ կվերականգնվի, իսկ շուկայի մյուս մասնակիցները մի քանի տարվա ընթացքում կանխատեսում են վերադառնալ նախորդ մակարդակներին: Ըստ Ryanair Group-ի ղեկավարի՝ ցուցանիշները կվերադառնան նորմալ վիճակի , բայց գները կնվազեն:

«Մինչև չվերթները վերսկսելը՝ մենք և այլ ավիաընկերություններ կվերսկսենք տոմսերի վաճառքը: Մեզ չի հետաքրքրում` դա կլինի 9,99 եվրո, 4.99 եվրո, 1.99 եվրո կամ 0,99 եվրո մեկ տոմսի համար: Կարճ ժամկետում մեզ համար կարևոր է ոչ թե վաստակել գումար, այլ մեր օդաչուներին, անձնակազմին և ինքնաթիռներին վերադարձնել երկինք», - ասել է նա:

Օ'Լին ենթադրում է, որ որոշ թռիչքներ կվերսկսվեն հունիսին, որից հետո հուլիս-օգոստոս ամիսներին էժան տոմսերը վաճառքի կհանվեն: Մինչդեռ, 2021 թ.-ին Ryanair Group- ի ղեկավարը ակնկալում է պայթյուն զբոսաշրջության ոլորտում՝  հաշվի առնելով 2020 թվականին չիրականացված պահանջարկը: Ինչպես ավելի վաղ հայտնել էր UNIAN- ը, հունգարական Wizz Air ավիաընկերությունը մտադիր է ցածր գներով վերսկսել թռիչքների մեծ մասը մինչև 2020 թվականը և կշարունակի նոր ինքնաթիռներ ստանալ: