Ռուսաստանում կորոնավիրուսով հիվանդը հոսպիտալացման ընթացքում դանակահարել է ոստիկանության մայորին․ Lenta

Եկատերինբուրգում կորոնավիրուսով հիվանդ տղամարդը հոսպիտալացման ընթացքում դանակահարել է ոստիկանին,  այսօր՝ ապրիլի 20-ին, հաղորդել է Սվերդլովսկի շրջանի ՆԳՆ գլխավոր տնօրենի մամուլի ծառայության ղեկավար Վալերի Գորելիխը: Ըստ նրա՝ ապրիլի 18-ին Եկատերինբուրգում Ներքին գործերի նախարարության աշխատակազմի ոստիկանության թիվ 4 բաժանմունքի աշխատակիցը ուղեկցում էր Սպառողների իրավունքների պաշտպանության և մարդու բարեկեցության վերահսկողության դաշնային ծառայության ներկայացուցիչներին կորոնավիրուսով վարակված տղամարդու հարկադիր հոսպիտալացման համար: Նա, չցանկանալով հիվանդանոց գնալ, դանակով հարձակվել է ոստիկանի վրա, վերջինս ստացել է նախաբազկի վնասվածք: Տղամարդը բերման է ենթարկվել։ Քրեական գործ է հարուցվել։ Կատարվում է նախաքննություն։