Կարո՞ղ է կինը ղեկավարել Հյուսիսային Կորեան․ Կիմ Չեն Ընի քույրը գերազանցում է տղամարդկանց․ Bloomberg (տեսանյութ)

Կիմ Չեն Ընի` Հյուսիսային Կորեայի ղեկավարի աթոռը լքելուց հետո դրան տիրանալու ամենաշատ շանսերն ունի նրա քույրը՝ Կիմ Յո Ջոնգը։ Դեռևս 30-ամյա Կիմ Յո Ջոնգը իր եղբոր կողքին էր ԱՄՆ նախագահ Դոնալդ Թրամփի և Չինաստանի նախագահ Սի Զինպինի հետ կայացած գագաթնաժողովներում։ Նա նաև եղբոր փոխարեն Հյուսիսային Կորեան ներկայացրեց Ձմեռային օլիմպիական խաղերում։ Այժմ Յո Ջոնգը ունի երկիրը ղեկավարելու ամենամեծ հնարավորությունը, թեև նա կին է մի հասարակության մեջ, որը խստորեն վերահսկվում է տղամարդկանց կողմից: Հյուսիսային Կորեայում շատ դիտորդներ ասում են, որ արյան շարունակական գիծը ավելի կարևոր է, քան սեռը, մյուսները, սակայն, համամիտ չեն։ Հարցը, թե կդառնա արդյոք Կիմ Յո Ջոնգը Հյուսիսային Կորեայի առաջին կին առաջնորդը, հանկարծակի բերվեց օրակարգ, երբ նրա եղբոր՝ Կին Չեն Ընի առողջական վիճակի մասին խոսակցությունները դարձան ակտուալ: Երկու շաբաթ շարունակ Կիմ Չեն Ընը չի հայտնվել պետական ​​լրատվամիջոցներում, ինչը ստիպեց լուրեր տարածել այն մասին, որ նա կարող է անգործունակ ճանաչվել: 

Ավելի վաղ հայտնել էինք, որ ԿԺԴՀ-ն արդեն պատրաստվում է պետության ղեկավարի փոփոխությանը։ Հյուսիսային Կորեայի առաջնորդի ամենահավանական թեկնածուն Կիմ Յո Ջոնգն է՝ Կիմ Չեն Ընի քույրը, որի ձեռքում արդեն իսկ գտնվում են երկրի վերահսկողության բոլոր լծակները: