Թուրքիայի հյուրանոցներում այսուհետ «շվեդական սեղանի» ծառայություն չի լինի․ Ռիա նովոստի

Թուրքիայի զբոսաշրջության և մշակույթի նախարար Մեհմեթ Էրսոյը հայտնել է, որ մինչև մայիսի վերջ կսկսվեն բացվել հյուրանոցները, որոնք կստանան «առողջության վկայականներ», դրանցում «շվեդական սեղաններ» չեն լինի:
Նախարարն ասաց, որ հյուրանոցները ստիպված կլինեն աշխատել հյուրանոցային ողջ հնարավորությունների միայն կեսով։ Փոխարենը հյուրերին կառաջարկվի համապարփակ ճաշացանկ։
Հյուրանոցային ռեստորանները կնվազեցնեն սեղանների քանակը սոցիալական հեռավորությունն ապահովելու համար: Ապագայում նման հիգիենայի անվտանգության վերաբերյալ արձանագրությունները կտարածվեն բոլոր ռեստորանների, սրճարանների և զվարճանքի վայրերի վրա: Լողափում նույնպես պարտադիր կլինի սոցիալական հեռավորությունը: Եթե ​​տարածքը թույլ տա, հյուրանոցները կարող են կազմակերպել ընտանեկան զբոսաշրջիկների հանգստի գոտիավորման սկզբունքով՝ որոշակի ընտանիքի համար հատկացնելով որոշակի տարածք `լողափում կամ լողավազանում՝ «արևայրուքի հնարավորությամբ»: Հյուրանոցի անձնակազմը ամենօրյա ռեժիմով ֆիզիկական պատրաստվածության քննության կենթարկվի՝ կստուգվի դիմակի, ձեռնոցների, ինչպես նաև հատուկ պաշտպանիչ հագուստի առկայությունը: «Առողջական վկայագրերով» ունեցող հյուրանոցները ստիպված կլինեն ապահովել որակյալ բժշկական անձնակազմի շուրջօրյա աշխատանք: Ինքնաթիռներում նույնպես կփոխվեն կարգերը։ Ամեն երրոդ նստարանը դատարկ կլինի։ Սահմանափակված կլինի նաև այն ուղևորների թիվը, ովքեր կարող են զբոսանավից կամ այլ տրանսպորտից օգտվել: Ըստ թուրք նախարարի՝ եթե բարելավվի կորոնավիրուսի հետ կապված իրավիճակը Թուրքիայում և աշխարհում, ապա մայիսի վերջին կբացվեն «առողջության վկայագրերով» հյուրանոցները, կգործի ներքին տրանսպորտային ցանցն ու կսկսվեն թռիչքները: Երկրորդ փուլում Թուրքիան թույլ կտա օդային երթևեկություն իրականացնել այն երկրների հետ, որտեղ պանդեմիան կնվազի, և COVID-19- ի նոր դեպքեր չեն արձանագրվի: Էրսոյի կանխատեսումներով՝ արտաքին տուրիզմի սկիզբը կարելի է ակնկալել մինչև օգոստոսի վերջ: