Իսպանիայում կորոնավիրուսից մահացածների թիվը հասել է 23 822-ի․ Ռիա Նովոստի

Առողջապահության նախարարությունից հայտնում են, որ Իսպանիայում անցած օրվա ընթացքում կորոնավիրուսի զոհերի թիվը աճել է 301-ով, ինչը 30-ով պակաս է նախորդ օրվա համեմատ, հայտնում են Առողջապահության նախարարությունից:
Ընդհանուր առմամբ, համաճարակի սկզբից ի վեր նոր կորոնավիրուսի զոհ է դարձել 23 822 մարդ, հայտնաբերվել է վարակման 210 773 դեպք։ Վերականգնվածների թիվը կրկին գերազանցել է դեպքերի թվին: Այս միտումը շարունակվում է արդեն մի քանի օր անընդմեջ: 
Ապրիլի 26-ից սկսած ՝ մինչև 14 տարեկան երեխաները մեծահասակների ուղեկցությամբ կարող են դուրս գալ փողոց: Դա կարելի է անել օրական մեկ անգամ։ Զբոսանքները պետք է տևեն ոչ ավելի, քան մեկ ժամ, և պետք է լինեն տան մոտակայքում՝ առավելագույնը բնակության վայրից մեկ կիլոմետր հեռավորության վրա: Ինչպես հայտարարել է վարչապետ Պեդրո Սանչեսը, եթե հիվանդության տարածման նվազումը շարունակվի, մայիսի 2-ից մարդիկ կկարողանան փողոց դուրս գալ սպորտով զբաղվելու կամ զբոսնելու ընտանիքի անդամների հետ։