Հարյուրավոր զբոսաշրջիկներ համաճարակի պատճառով մնացել են Մալդիվներում․ Weather.com

Մալդիվներում համաճարակի պատճառով հարյուրավոր զբոսաշրջիկներ են մնացել։ Նրանք չեն կարողանում տուն վերադառնալ, հայտնում է Weather.com- ը: Մալդիվների զբոսաշրջության նախարար Ալի Վահիդն ասաց, որ այժմ կղզում ապրում են մոտ 500 զբոսաշրջիկներ։ Նրանք դեռևս չեն կարող վերադառնալ տուն: Նրանցից մոտ 100-ը այժմ օդանավակայանում են: Կառավարությունը օգնում է այն զբոսաշրջիկներին, ովքեր չեն կարող իրենց թույլ տալ հանգստավայրերում մնալ: «Մենք նրանց վերաբերում ենք որպես մեր քաղաքացիների: Նրանք այն մարդիկ են, ովքեր մեր երկրին բարգավաճում բերեցին», - ասել է Վահիդը:
Կորոնավիրուսն ամբողջությամբ ոչնչացրել է Մալդիվյան կղզիների զբոսաշրջության արդյունաբերությունը։ Երկիրը փակել է իր սահմանները և դադարեցրել թռիչքները: Սա մեծ հարված է պետության տնտեսությանը։ Զբոսաշրջության ոլորտի եկամուտները կազմում են Մալդիվների ՀՆԱ-ի 28 %-ը: