Իլոն Մասկը և երգչուհի Գրիմսը որդուն անվանակոչել են «X Æ A-12»

Կանադացի երգչուհի Կլեր Ալիս Բուչերը, որը հայտնի է Գրիմս կեղծանունով, մեկնաբանել է «Սպեյսիքսի» հիմնադիր Իլոն Մասկի և իր առաջնեկի անսովոր անունը: Նրանք որոշել են իրեն որդուն անվանակոչել X Æ A-12: Երգչուհին Թվիթերի իր էջում բացատրել է, որ X- ը անհայտ փոփոխականն է, Æ֊ն՝ գրության ձևը, AI֊ը՝ «արհեստական ​​բանականություն կամ սեր», իսկ A-12֊ը՝ հետախուզական ինքնաթիռ, որը նախատեսված է ԿՀՎ-ի համար: «Ահա մեր սիրելի «օդանավը»՝ SR-71-ը: Այն չունի զենք, ունի միայն արագություն: Հզոր է մարտում, բայց առանց բռնության գործադրման», - ասել է Գրիմսը: Երգչուհին ավելացրել է, որ իր որդու անվան A տառը նաև հղում է իր սիրելի «Arxangel» երգին: 12 թիվը խորհրդանշում է կենդանակերպի 12-րդ նշանը՝ առնետը, քանի որ որդին ծնվել է 2020 թվականին՝ առնետի տարում։ Մայիսի 5-ին Իլոն Մասկը ասել էր, որ վեցերորդ անգամ հայր է դարձել: Նա կիսվել է որդու առաջին լուսանկարներով: Նախկին ամուսնությունից Իլոն Մասկն արդեն ունի հինգ որդի: Կանադացի երգչուհի Գրիմսն ու Իլոն Մասկը հանդիպում են 2018 թվականից: