Վրաստանում կորոնավիրուսով վարակվածության դեպքերի թիվը հասել է 610-ի․ Ռիա նովոստի

Վրաստանում կորոնավիրուսով վարակվածների թիվը հասել է 610-ի, վերականգնվել է 269 մարդ, հայտնում է հիվանդության մոնիտորինգի կայքը։ «Հայտնաբերվել է վարակի 610 հաստատված դեպք, դրանցից 269-ը վերականգնվել է, 9-ը մահացել է, 5083 մարդ գտնվում է կարանտինային ռեժիմում, 505-ը` հսկողության տակ», - ասվում է կայքում: Վրաստանում արտակարգ դրություն կլինի մինչև մայիսի 22-ը, ինչպես նաև պարետային ժամ՝  ժամը 21.00֊6.00-ը: Վարակվածների թվում կան բժիշկներ, Ներքին գործերի նախարարության, Ազգային բանկի աշխատակիցներ, հղի կանայք և երեխաներ: Երկրում ներդրվել են մի շարք սահմանափակումներ, այդ թվում՝ տրանսպորտային միջոցների շահագործումը, առևտրի կենտրոնները, ռեստորանները, հյուրանոցները փակվել են, արգելվել է մուտք գործել մեծ քաղաքներ, և այդ նպատակով ստեղծվել են ռազմական անցակետեր: Գրեթե բոլոր բնակիչները անցել են գործավարության հեռավոր ռեժիմին, իսկ ուսանողները հեռավար ուսուցում են ստանում: Միևնույն ժամանակ, ապրիլի 27-ից վրացական իշխանությունները սկսեցին աստիճանաբար վերացնել սահմանափակումները՝ բացվեցին գյուղատնտեսական շուկաները, թույլատրվեց առցանց վաճառք, վերականգնվեց մեքենաների շարժը: