Հռոմի պապ Ֆրանցիսկոսի աշխատակցի մոտ հայտնաբերվել է կորոնավիրուս․ CNN

Վատիկանի Սբ. Աթոռի մամլո ծառայությունից հայտնում են, որ այսօր կորոնավիրուս է հայտնաբերվել Հռոմի պապ Ֆրանցիսկոսի աշխատակցի մոտ։ Նա Վատիկանում կորոնավիրուսով վարակված 12-րդ մարդն է։ Նա հեռակա կարգով աշխատում է մարտի սկզբից և այժմ գտնվում է ինքնամեկուսացման մեջ՝ հսկողության ներքո։ Այս մասին ասել է Սուրբ Աթոռի մամուլի գրասենյակի տնօրեն Մատեո Բրունին: Համաճարակը արմատապես փոխել է Վատիկանի գործելակերպը։ Հռոմի պապը այժմ միայնակ է նստավայրում, և այն վայրերը, որտեղ սովորաբար զբոսաշրջիկներ են լինում, այժմ դատարկ է։ 83-ամյա Հռոմի Պապը, ով թոքի վնասվածք ունի, երկու անգամ կորոնավիրուսի թեստ է հանձնել՝ բացասական արդյունքով։ Նա հեռու է պահում իրեն բոլորից, ովքեր հնարավոր է՝ վիրուսակիր լինեն, սնվում է առանձին սպասքից և ցանկացած հյուրի հետ հանդիպումից առաջ և հետո օգտագործում է ձեռքի ախտահանման միջոց, հաղորդել է Վատիկանի մամուլի ծառայությունը: