Փարիզի մետրոյում առանց դիմակի ուղևորները կհայտնաբերվեն տեսախցիկների օգնությամբ և կտուգանվեն 135 եվրոյի չափով․ Paris Match

Փարիզի տրանսպորտային ծառայությունները ֆիքսում են մետրոյի այն ուղևորներին, ովքեր դիմակ չեն կրում:
«Փարիզի հասարակական տրանսպորտային ընկերությունը Իլ-դե Ֆրանս Ֆրանս Մոբիլիտեսի հետ միասին սկսեց եռամսյա փորձարկում՝ պարզելու դիմակ կրող ուղևորների քանակը», - հայտնում է պարբերականը: Այժմ վերահսկողությունը իրականացնում են համակարգիչներին միացված 6 տեսախցիկների օգնությամբ,հետագայում դրանց թիվը կդառնա 12։ Դիմակի առկայությունը կամ բացակայությունը որոշելու ճշգրտությունը կկազմի 99,5%:
Ավելի վաղ հաղորդվում էր, որ մայիսի 11-ից հետո հեռավորություն պահելը և դիմակ կրելը պարտադիր կլինի տրանսպորտում: Այս պահանջը կներկայացվի առնվազն մինչև հունիսի 2-ը: Առանց դիմակների ուղևորները կտուգանվեն 135 եվրոյի չափով: Մարդկանց տեղաշարժի խիստ սահմանափակումները Ֆրանսիայում ուժի մեջ են մտել մարտի 17-ից, և ակնկալվում է, որ այն կթեթևացվի մայիսի 11-ից: Երկրում փակվել են սրճարանները, ռեստորանները, կինոթատրոնները, թանգարանները, զբոսայգիները, ոչ պարենային խանութները, ուսումնական հաստատությունները: