Ավստրիան երկրի՝ կորոնավիրուսի համաճարակի պատճառով տուժած բոլոր ռեստորաններին ֆինանսական աջակցություն կցուցաբերի

Ավստրիայի կառավարությունը 500 միլիոն եվրո կհատկացնի սննդի հաստատություններին, որոնք կվերսկսեն աշխատանքը մայիսի 15-ին՝ կորոնավիրուսի պատճառով երկամսյա դադարից հետո, երկուշաբթի ասաց Ավստրիայի կանցլեր Սեբաստիան Կուրցը: Ըստ կանցլերի՝ պետությունը կհոգա նաև երեք ամսվա սննդի ֆիքսված ծախսերի 75% -ը, ավելացրեց կանցլերը: «Դաշնային կառավարությունը, Տնտեսական պալատի հետ միասին, մշակել է ռեստորաններին օգնության փաթեթ, որը, նախևառաջ, նպատակ ունի խթանելու սպառումը, և երկրորդը՝ մեր երկրում ռեստորանների սեփականատերերի համար նվազեցնել հարկային բեռը», - ասել է Կուրցը մամուլի ասուլիսում: Ավստրիայում սննդի ձեռնարկությունները, որոնք փակվել են մարտի 16-ին, որոշակի պայմաններով կարող են վերսկսել աշխատանքը մայիսի 15-ին: Թույլատրված աշխատանքային ժամերը 6.00-23.00 են, չորս մեծահասակ կարող են մեկ սեղանի շուրջ նստել՝ ներառյալ երեխաները։ Մինչդեռ այցելուների խմբերի միջև նվազագույն հեռավորությունը պետք է լինի առնվազն 1 մետր: Ավստրիայի կառավարությունը ընդհանուր առմամբ 38 միլիարդ եվրո է հատկացրել ճգնաժամի տնտեսական հետևանքների դեմ պայքարին: