Ուհանի լաբորատորիայի ղեկավարը բացառել է լաբորատորիայի տարածքից կորոնավիրուսի «փախուստի» ու տարածման վարկածը․ South China Morning Post

Ուհանի վիրուսաբանության ինստիտուտի աշխատակիցները խոսել են բարձրագույն աստիճան ունեցող լաբորատորիայի առանձնահատկությունների մասին: Այնտեղ հետազոտվում են ամենավտանգավոր միկրոօրգանիզմները: Ըստ լաբորատորիայի ղեկավար Յուան Ժիմինգի՝ ղեկավարությունը և աշխատակիցները ձեռնարկում են բոլոր նախազգուշական միջոցները, որպեսզի կանխեն գեթ մեկ վիրուսի փախուստը: Այսպիսով՝ աշխատակիցների համար թափոնների և վարակիչ նյութերի բուժման խիստ կանոններ են գործում: Նրանց հետ աշխատող բոլոր գիտնականները  անցնում ենտարեկան խորը բուժզննում, ամեն օր չափում արյան ճնշումը և ջերմաստիճանը: Գոյություն ունի նաև հատուկ դիտարկման կենտրոն, որը հետևում է լաբորատորիայի յուրաքանչյուր մուտքին և ելքին: Յուան Ժիմինգը շեշտեց, որ ինստիտուտի ներսում շրջանառվող օդը չի կարող դուրս գալ ճնշման տեխնոլոգիայի պատճառով: Լաբորատորիայի ներսում գտնվող բոլոր նյութերը ենթարկվում են ջերմամշակման՝ նախքան օգտագործումը։ Հիշեցնենք, որ մայիսին ԱՄՆ նախագահ Դոնալդ Թրամփը հայտարարեց, որ Սպիտակ տունը չի բացառում կորոնավիրուսի լաբորատոր ծագումը: Այնուհետև ԱՄՆ պետքարտուղար Մայք Պոմպեոն ասաց, որ Վաշինգտոնը ապացույցներ ունի այն մասին, որ չինական իշխանությունները կորոնավիրուսի հետ կապված  իրավիճակը թաքցնում են: Չինաստանի իշխանությունները բազմիցս հայտարարել են, որ իրենք ի սկզբանե պահպանել են բաց և պատասխանատու դիրքորոշում ՝ կապված կորոնավիրուսային վարակի համաճարակի վերաբերյալ տվյալների հրապարակման հետ: