Բեն Աֆլեքը դեռահասի պես սիրահարվել է (լուսանկարներ)

Բեն Աֆլեքը երբեք չի դադարում զարմացնել իր երկրպագուներին: Ամուսնալուծված 47-ամյա դերասանն անչափահասի պես է պահում իրեն։ Նա, սիրահարվելով երիտասարդ դերասանուհի Աննա դե Արմասին, կարողացավ կարանտինային ժամանակը վերածել ռոմանտիկ արձակուրդի: Եվ ահա հայնի դերասանը տարակուսանքի մեջ գցեց իր հետևորդներին, երբ սկսեց  լուսանկարներ հրապարակել, որոնք ավելի շատ հարիր էին դպրոցահասակ երեխային, քան երեք երեխաների հորը: Այսպիսով, Աննան, որը Բենից 15 տարի փոքր է, խլեց նրա «սրտի կեսը»: Իբրև նրանց մեծ սիրո խորհրդանիշ՝ Բենը ամենուր կրում է Աննայի նվիրած՝ կիսված սրտի տեսքով կախազարդը։ Աֆլեքն այնքան կրքոտ է իր ընկերուհու նկատմամբ, որ գրեթե չի նկատում, թե ինչ է կատարվում իր շուրջը: Նա հաճախ իրեն թույլ է տալիս առանց դիմակի հայտնվել Աննայի հետ այնպես, որ ոչինչ չխանգարի նրան անընդհատ համբուրել սիրելիին: Աֆլեքը լիովին երջանիկ է թվում: Եվ ահա երկրպագուները ակնկալում են, որ Բենը կարանտինից հետո կհայտարարի իրենց նշանադրության մասին: 

Հիշեցնենք. Բենը և Աննան հանդիպեցին, երբ նկարահանվում էին միասին «Deep Water»- ում: Եվ այդ ժամանակվանից ի վեր արեւադարձային կրքեր են եռում Աֆլեքի և իր սիրելիի հարաբերությունների մեջ։ Սա, ի դեպ, զարմանալի չէ, քանի որ Աննան ծագումով կուբացի է: Պատահական չէ, որ նույնիսկ կարանտինի մեկնարկից առաջ, Բենը իր պարտքն էր համարել ռոմանտիկ ուղևորություն կազմակերպել իր սիրելիի համար։ Նախ նրանք մեկնեցին Կոստա Ռիկա, իսկ հետո Աննայի հայրենիք` Կուբա: Ամենից շատ Բենն այժմ անհանգստացած է, թե արդյոք իր նախկին կինը՝ Ջենիֆեր Գարները, թույլ կտա, որ Աննան ծանոթանա իր զավակների՝ Սերաֆինայի, Վիոլետի ու Սեմի հետ։