Apple-ը ամբողջ աշխարհում վերաբացել է մոտ հարյուր խանութ

Ամերիկյան Apple ընկերությունը վերաբացել է ամբողջ աշխարհում գործող շուրջ 100 խանութներ, որոնք նախկինում փակվել էին կորոնավիրուսային համաճարակի պատճառով, ասվում է ընկերության կայքում:
«Այսօր ամբողջ աշխարհի մեր խանութներից գրեթե 100-ը կարողացել են նորից բացել իրենց դռները մեր հաճախորդների առջև», - ասում է Դիրիրրե Օ Բրայենը՝ Apple-ի մանրածախ ցանցի ղեկավարը: Այսպիսով՝ Գերմանիայում ընկերության բոլոր խանութները բացվել են անցյալ շաբաթ: Չինաստանում Apple-ի բոլոր խանութները, որոնք փակվել են համաճարակի բռնկման ընթացքում, արդեն վերսկսել են գործունեությունը։ Ընկերությունը նշում է, որ յուրաքանչյուր խանութ ձգտում է սահմանափակել աշխատակիցների քանակը և մեծ ազատ տարածք ապահովել, որպեսզի այցելուները կարողանան պահպանել միմյանցից հեռավորությունը: Բացի այդ, ըստ O Բրայենի, բոլոր աշխատակիցներից պահանջվում է կրել պաշտպանիչ դիմակներ, իսկ դիմակ չունեցող այցելուներին դրանք կտրամադրվի անվճար։ Մուտքի մոտ այցելուները կջերմաչափվեն։