ԱՀԿ-ն հայտարարել է կորոնավիրուսի բռնկման երկրորդ պիկի հավանականության մասին․ Ռիա Նովոստի

Աշխարհն այժմ գտնվում է միայն կորոնավիրուսի տարածման առաջին ալիքի մեջտեղում։ Առկա է երկրորդ ալիքի փոխարեն կորոնավիրուսով հիվանդացության երկրորդ պիկի բռնկման վտանգ, ասել է ԱՀԿ արտակարգ առողջության ծրագրի տնօրեն Մայքլ Ռայանը Ժնևում կայացած ճեպազրույցում:
«Հիմա մենք երկրորդ ալիքի մեջ չենք, այլ հիվանդության առաջին ալիքի կեսին։ Յուրաքանչյուր երկրում վարակվածների իրական թիվը մնում է համեմատաբար փոքր: Եվ երբ մենք խոսում ենք հիվանդության երկրորդ ալիքի մասին՝ դասական իմաստով, մենք միշտ նկատի ունենք, որ մենք ունենք առաջին ալիքը, որի կորը ինքնին նվազում է, իսկ հետո՝ մի քանի ամիս անց, հիվանդության նոր ալիք կսկսվի», - ասաց նա: Ըստ նրա՝ դա կարող է ճիշտ լինել այսօր որոշ երկրների համար, բայց համաշխարհային մասշտաբով առաջին ալիքը դեռ չի ավարտվել: «Բայց մենք պետք է հիշենք, որ հիվանդությունը ցանկացած պահի կարող է մարել: Մենք այժմ չենք կարող եզրակացնել, որ եթե հիվանդությունն այժմ նվազում է, ապա այն ի վերջո, կմարի, և մենք կունենանք մի քանի ամիս նոր ալիքին պատրաստվելու համար: Մենք կարող ենք երկրորդ գագաթին հասնել շատ մոտ ապագայում։ Այսպիսով՝ մենք կարող ենք ունենալ ոչ թե երկրորդ ալիք, այլ՝ երկրորդ պիկ», - ավելացրեց Ռայանը: Նա նշեց, որ երկրորդ ալիքի հավանականությունը, որը կարող է կապված լինել գրիպի սեզոնի հետ և համակցվել բարդ ընթացքով, կարող է տեղի ունենալ այս տարվա վերջին: