Բելառուսի վարչապետը կպատվաստվի COVID-19- ի դեմ ռուսական պատվաստանյութով․ Belta

Բելառուսի վարչապետ Ռոման Գոլովչենկոն որոշել է իր վրա փորձարկել COVID-19- ի դեմ ռուսական պատվաստանյութը, այս մասին հայտնել է ՌԴ վարչապետ Միխայիլ Միշուստինը Բելառուսի նախագահ Ալեքսանդր Լուկաշենկոյի հետ հանդիպման ժամանակ: Բելառուսի ղեկավարը պարզաբանել է, որ Բելառուսը կդառնա առաջին երկիրը, որին Ռուսաստանը կտրամադրի COVID-19- ի դեմ պատվաստանյութը: «Ուրախ եմ, որ Ռոման Ալեքսանդրովիչ Գոլովչենկոն նման որոշում է կայացրել: Համոզված եմ, որ ամեն ինչ լավ կլինի», - Միշուստինի խոսքը մեջբերում է Belta-ն: Ավելի վաղ ՌԴ նախագահ Վլադիմիր Պուտինը հայտարարել էր, որ Բելառուսը կմիանա կորոնավիրուսի դեմ ռուսական պատվաստանյութի լրացուցիչ փորձարկման վերջին փուլին և կդառնա այս դեղամիջոցը ստացող առաջին երկրներից մեկը: