«Իսլամական պետությունը» ստանձնել է Վիեննայում ահաբեկչության պատասխանատվությունը․ Reuters
Աշխարհ
«Իսլամական պետություն» ահաբեկչական խմբավորումը ստանձնել է Ավստրիայի մայրաքաղաք Վիեննայում հարձակման պատասխանատվությունը: Այս մասին հայտնում է Reuters-ը:
Երկուշաբթի երեկոյան Վիեննայի կենտրոնում տեղի ունեցան մի շարք հրազենային հարձակումներ, հարձակման թիրախներից մեկը սինագոգն էր: Ավստրիայի իշխանությունները հարձակումը որակել են ահաբեկչություն: Մեկ հարձակվող սպանվել է, իսկ ոստիկանությունը որոնում է հավանական հանցակիցներին:
Ավստրիայում առնվազն 14 մարդ է բերման ենթարկվել, հետագայում Շվեյցարիայի իշխանությունները հայտնել են նաև երկու ձերբակալվածների մասին:
Հարձակման արդյունքում զոհվել է հինգ մարդ, այդ թվում՝ հենց ինքը՝ ահաբեկիչը, ով, Ավստրիայի ՆԳՆ-ի համաձայն, «Իսլամական պետություն» խմբավորման կողմնակից էր:
Ավելի քան 20 մարդ վիրավորվել է:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
