Գերմանիայում այսօր կմեկնարկի պատմության մեջ ամենակոշտ կորոնավիրուսային կարանտինը

Գերմանիայում քաղաքացիների հասարակական և մասնավոր կյանքում այսօր մեկնարկեն կորոնավիրուսի պատճառով ծայրահեղ խիստ սահմանափակումները։ Այս որոշումն ընդունվել է անցած կիրակի՝ Գերմանիայի կանցլեր Անգելա Մերկելի և դաշնային պետությունների ղեկավարների բանակցությունների ընթացքում: Նոր միջոցառումները կապված են երկրում COVID-19- ի մասսայական տարածման սպառնալիքի հետևողականորեն բարձր մակարդակի հետ:
Իշխանությունները համաձայնել են համապետական ​​արգելափակում մտցնել դեկտեմբերի 16-ից հունվարի 10-ը: Կարանտինի մասին որոշումը, որը կայացվել էր հոկտեմբերի վերջին, ավելի վաղ չէր բերել ցանկալի արդյունքին։ Չնայած կանխվել էր վարակվածների թվի կտրուկ աճը՝ նոր հիվանդների թիվը մնում է կայուն բարձր, հիվանդանոցներում վերակենդանացման բաժանմունքները լի են, իսկ որոշ շրջաններում առողջապահական համակարգը փլուզման շեմին է: Դեկտեմբերի 16-ից Գերմանիայում ամեն ինչ փակ է լինելու՝ բացառությամբ մթերային խանութների, փոքր տեխնիկայի խանութների, դեղատների, օպտիկայի խանութների, բանկերի, թերթերի կրպակների, փոստային բաժանմունքների, բժշկական հաստատությունների, տոնածառի շուկաների: Դպրոցականները կուղարկվեն արձակուրդի կամ հեռավար ուսուցման: Նահանգները, դեպքերի կտրուկ աճի դեպքում, իրավունք կունենան խստացնելու այս բոլոր միջոցառումները։