Քաղաքապետարանի աշխատակցի և «Բարգավաճ Հայաստան» խմբակցության անդամների միջև միջադեպ տեղի ունեցավ

Երևանի ավագանու «Բարգավաճ Հայաստան» խմբակցության անդամների և քաղաքապետարանի աշխատակցի միջև տեղի ունեցավ միջադեպ:

Խմբակցության ավագանու անդամները քաղաքապետարանից դուրս գալիս բղավում էին՝ պահանջելով ՀՀ վարչապետ Նիկոլ Փաշինյանի հրաժարականը:

Ավագանու անդամ Միքայել Մանրիկյանը լրագրողների հետ զրույցում ասաց, որ իրենք ցանկանում էին շենքից դուրս գալ և միանալ վարչապետի հրաժարականը պահանջող քաղաքացիներին:

«Տվյալ աշխատակիցը մեր հասցեին վիրավորական արտահայտություններ հնչեցրեց, անգամ ամաչում եմ ասել, թե ինչ: Նրան հորդորեցի հանգստանալ, սակայն նա շարունակեց իր անկիրթ արտահայտությունները ընդդիմության լիդերների, ինչպես նաև իմ կուսակցության ղեկավարի հասցեին»,- նշեց Մանրիկյանը: