Ռուսաստանում մեկնարկել է կորոնավիրուսի դեմ զանգվածային պատվաստումը

Ռուսաստանում մեկնարկել է բնակչության զանգվածային պատվաստումը կորոնավիրուսային վարակի դեմ: Անցյալ տարվա դեկտեմբերին երկրում սկսվեց լայնածավալ արշավ, որը թույլ տվեց պատվաստվել որոշակի կատեգորիաների քաղաքացիների: Նախապատվությունը տրվեց բժիշկներին, ուսուցիչներին և սոցիալական աշխատողներին, ինչպես նաև սոցիալական ծառայության կազմակերպություններում աշխատող քաղաքացիներին և քրոնիկ հիվանդություններով տառապող մարդկանց։ Անցյալ շաբաթ Վլադիմիր Պուտինը, նախարարների կաբինետի հետ հանդիպման ժամանակ, ասաց, որ անհրաժեշտ է անցնել ամբողջ բնակչության մասսայական պատվաստումների և հանձնարարեց պատրաստել համապատասխան ենթակառուցվածքներ: Փոխվարչապետ Տատյանա Գոլիկովան հունվարի 15-ին համաճարակաբանների հետ զրույցում հաստատեց, որ 2021 թվականի հունվարի 18-ին երկրում կսկսվի պատվաստումների զանգվածային արշավ: Նա հավելել է, որ առայժմ հնարավոր է պատվաստել միայն Sputnik V- ով։