Ուկրաինայի զինված ուժերը հրետակոծել են Լուգանսկի խաղաղ բնակավայրերը

Ուկրաինայի անվտանգության ուժերը ականանետից կրակ են բացել Լուգանսկի ժողովրդական հանրապետության կողմից վերահսկվող Լոգվինովո գյուղի տարածքում: Այդ մասին ճեպազրույցում ասել է ԼԺՀ ոստիկանության պաշտոնական ներկայացուցիչ Յակով Օսադչին:
Նրա խոսքով՝ գնդակոծման համար օգտագործվել են 120 մմ զենքեր: Նա պարզաբանել է, որ ուկրաինական անվտանգության ուժերի կողմից հրադադարի ռեժիմի խախտման մասին անհապաղ զեկուցվել է Կիևի ներկայացուցիչներին: Օսադչին նաև հավելել է, որ Ուկրաինայի զինված ուժերը շարունակում են միջամտել ԵԱՀԿ ներկայացուցիչների աշխատանքին՝ մասնավորապես խցանելով առաքելության անօդաչու թռչող սարքերի կառավարման և նավիգացիոն ազդանշանները: Նրա խոսքով՝ նման գործողությունների նպատակը միջազգային դիտորդներից Մինսկի պայմանավորվածություններին հակառակ շփման գծում տեղակայված սարքավորումներն ու զենքերը թաքցնելն է: Նա նշել է, որ ուկրաինական զորքերը էլեկտրոնային պատերազմի կայաններ են տեղակայել Կիևի կողմից վերահսկվող բնակավայրերի մոտակայքում։
Ինչպես հայտնի է, 2014 թվականի ապրիլին Ուկրաինայի իշխանությունները ռազմական գործողություններ սկսեցին ինքնահռչակ Դոնբասի և Լուգանսկի դեմ, որոնք անկախություն հռչակեցին 2014 թվականի փետրվարին Կիևում տեղի ունեցած պետական ​​հեղաշրջումից հետո: ՄԱԿ-ի վերջին տվյալների համաձայն՝ Դոնբասում հակամարտության զոհ է դարձել շուրջ 13 հազար մարդ: