Ալիևը Պուտինի հետ քննարկել է ««Իսկանդերների» հարցը»
Ադրբեջան
Ադրբեջանի նախագահ Իլհամ Ալիևը հայտարարել է, որ Ռուսաստանի նախագահ Վլադիմիր Պուտինի հետ քննարկել է Լեռնային Ղարաբաղում «Իսկանդեր-Մ» հրթիռների հայտնաբերման վերաբերյալ տեղեկատվությունը։ Ավելի վաղ Ադրբեջանը հաղորդել էր «Իսկանդեր-Մ» հրթիռների բեկորների հայտնաբերման մասին, որոնք, ըստ Բաքվի, օգտագործվել են Հայաստանի կողմից 2020 թվականի աշնանը Լեռնային Ղարաբաղում պատերազմական գործողությունների ժամանակ: Հրթիռների բեկորները մատնանշել են ANAMA-ի ներկայացուցիչները: Գործակալությունը հայտնել է, որ մարտի 15-ին Շուշի քաղաքում հայտնաբերվել են երկու հրթիռների բեկորներ՝ տարածքները ականներից մաքրելու ժամանակ։ «Ապրիլի 1-ին ես հեռախոսազրույց եմ ունեցել իմ ռուս գործընկեր Վլադիմիր Պուտինի հետ: Մենք քննարկել ենք «Իսկանդերների» հարցը: Ադրբեջանի ՊՆ-ն պաշտոնական նամակ է ուղարկել՝ լուսանկարներով, ապացույցներով: Բայց մինչ այժմ մենք որևէ պատասխան չենք ստացել», - ասել է Ալիևը։ Միևնույն ժամանակ, նա հրթիռների մասին պաշտոնական Երևանի հայտարարությունները որակել է «տարօրինակ»:
«Նրանք խոսում են չպայթած հրթիռների մասին և հետո ասում, որ դա գաղտնիք է: Այսպիսով՝ դրանք, ի վերջո, օգտագործվել են: Մենք սպասում ենք Երևանի պաշտոնական պատասխանին: Մենք ունենք բավարար տեղեկատվություն, բայց մենք սպասում ենք պաշտոնական բացատրություններին», - ասել է Ալիևը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
