Ուկրաինան լայնամասշտաբ զորավարժություններ է սկսել Ղրիմի մոտակայքում

Ուկրաինացի զինվորականները լայնամասշտաբ զորավարժություններ են անցկացնում Ղրիմի հետ սահմանին, հայտնում է Ուկրաինայի զինված ուժերի միացյալ ուժերի մամուլի ծառայությունը: Ինչպես հայտնի է, վերջին շաբաթներին Դոնբասում լարվածությունը զգալիորեն աճել է: Հակամարտության երկու կողմերը միմյանց մեղադրում են հրթիռակոծության սաստկացման մեջ, ինքնահռչակ հանրապետություններում ասում են, որ Ուկրաինայի զինված ուժերը ռազմական տեխնիկան դուրս են բերում շփման գիծ: Քաղաքացիական զոհեր կան։ Ապրիլի սկզբին ԽՍՀՄ տարածքում ուկրաինական անօդաչու թռչող սարքի հարձակման արդյունքում՝ մի երեխա էր զոհվել: Միևնույն ժամանակ, Արևմուտքը Ռուսաստանին մեղադրում է ուկրաինական սահմանի մերձակայքում «ագրեսիվ գործողությունների ակտիվացման» մեջ: Կրեմլը, ի պատասխան, ասել է, որ ռուսական զորքերը շարժվում են իրենց սեփական տարածքով, և դա ոչ ոքի չպետք է անհանգստացնի, քանի որ Ռուսաստանը ոչ ոքի չի սպառնում: