ԱՄՆ դեսպանը հրաժարվել է հեռանալ Ռուսաստանից․ Axios

Ռուսաստանում ԱՄՆ դեսպան Ջոն Սալիվանը հրաժարվել է հեռանալ Մոսկվայից՝ չնայած արտգործնախարարության առաջարկություններին՝ խորհրդակցությունների համար մեկնելու Վաշինգտոն, հայտնում է Axios-ը՝ վկայակոչելով աղբյուրներին:
Պորտալի զրուցակիցների կարծիքով՝ եթե Ռուսաստանը ցանկանում է, որ Սալիվանը հեռանա Մոսկվայից, «նրան ստիպված կլինեն ստիպել դա անել»:
ՌԴ Արտաքին գործերի նախարար Սերգեյ Լավրովը ապրիլի 16-ին ասել էր, որ ռուսական կողմը խորհուրդ է տվել Սալիվանին «գնալ իր մայրաքաղաք և այնտեղ անցկացնել մանրամասն, լուրջ խորհրդակցություններ»: Ավելի վաղ ԱՄՆ-ը նոր սահմանափակումներ էր մտցրել Ռուսաստանի դեմ։ Դրանք տարածվել էին 32 մարդու և կազմակերպությունների, ինչպես նաև Ռուսաստանի պետական ​​պարտատոմսերի ուղղակի գնման վրա: Բացի այդ՝ ԱՄՆ֊ից վտարվել են տասը ռուս դիվանագետներ: Ի պատասխան՝ Մոսկվան տասը ամերիկացի դիվանագետներից պահանջել էր հեռանալ Ռուսաստանից: 

Ինչպես հայտնի է, ԱՄՆ նախագահ Ջո Բայդենը ABC News-ին տված հարցազրույցում ասել էր, որ Ռուսաստանի առաջնորդը «պատասխան կտա» ամերիկյան ընտրություններին միջամտության համար: Միևնույն ժամանակ, Սպիտակ տան ղեկավարը դրական պատասխանել այն հարցին, թե արդյո՞ք նա Վլադիմիր Պուտինին «մարդասպան» է համարում։