Երեւանի քաղաքապետի դուխը հերիքելո՞ւ է ավտոմատներով ռազբորկա արած թաղապետերին գործից հանելու․ Զոհրաբյան

 

Պատմական դեպքի վավերագիրները լռում են, թե ինչի՞ շուրջ է եղել գլոբալ անհամաձայնությունը, միգուցե այն եղել է այնպիսի ռազմավարական խնդրի շուրջ, որ մանր եղջերավորները պետական դոտացիայով միանգամից համարվեն խոշոր եղջրավոր անասուններ, բայց այս սկզբունքային եւ գաղափարական ռազբորկայի արդյունքում հրազենային վնասվածքներով հիվանդանոց էին տեղափոխվել Շենգավիթ վարչական շրջանի ղեկավար Ռազմիկ Մկրտչյանն ու Մալաթիա-Սեբաստիա վարչական շրջանի ղեկավար Դավիթ Կարապետյանը։

 

Այս պահին երկուսն էլ հիվանդանոցից դուրս են գրվել։

Հա, չմոռանանք, որ այս «մառդաբոյը» տեղի է ունենում նիկոլական Հայաստանում, որտեղ, ըստ պաշտոնական վիճակագրության, այլեւս օրենքի Էլդորադո է։

Հիմա մնում է, որ գտնվի Երեւանի քաղաքապետն ու հասկանանք՝ իր հետհեղափոխական դուխը հերիքելո՞ւ է ավտոմատներով ռազբորկա արած թաղապետերին գործից հանելու, թե՞ քիչ անց ոստիկանությունը հայտարարություն կտարածի ու կպարզվի, որ սույն հեղափոխական թաղապետերի մեջ հանցավոր անզգուշության պատճառով մտել էր նախկին հանցավորների հոգին ու թոխմախցի Վարսիկ տոտայի մոմաթափության ծեսից հետո ամեն ինչ կրկին հեղափոխական «լադի» մեջ է։

Ի դեպ, Շենգավիթի թաղապետի «պարզաբանում»։